സീരിയല്‍ നടി പ്രിയങ്ക ആത്മഹത്യ ചെയ്തു, സഹതാരത്തിന്‍റെ വേര്‍പാടിന്‍റെ ഞെട്ടലില്‍ സഹപ്രവര്‍ത്തകര്‍

സീരിയല്‍ ലോകത്തെ മിന്നും താരമായിരുന്ന പ്രിയങ്കയെ ആത്മഹത്യ ചെയ്ത നിലയില്‍ കണ്ടെത്തി. തമിഴ് സീരിയലുകളിലൂടെ വളര്‍ന്ന പ്രിയങ്ക മലയാളത്തിലും ചില സീരിയലുകളില്‍ വേഷമിട്ടിട്ടുണ്ട്. വളസരവക്കത്തെ വീട്ടില്‍ ഇന്നു രാവിലെയോടെയാണ് നടിയെ ഫാനില്‍ തൂങ്ങിമരിച്ച നിലയില്‍ കണ്ടെത്തിയത്. എന്നാല്‍ ആത്മഹത്യയുടെ കാരണം വ്യക്തമല്ല. രാവിലെ വീട്ടുജോലിക്കാരിയെത്തിയപ്പോഴാണ് നടി തൂങ്ങിമരിച്ച നിലയില്‍ കണ്ടത്.

കുടുംബ കലഹമാണ് ആത്മഹത്യയിലേക്ക് നയിച്ചതെന്നാണ് സംശയം. മൂന്നു വര്‍ഷം മുമ്പായിരുന്നു അരുണ്‍ബാലയുമായുള്ള പ്രിയങ്കയുടെ വിവാഹം. എന്നാല്‍ കഴിഞ്ഞ രണ്ടു മാസമായി ഇരുവരും വേര്‍പിരിഞ്ഞ് കഴിയുകയാണ്. ഇവര്‍ക്ക് കുട്ടികളില്ല. രമ്യാ കൃഷ്ണന്‍ മുഖ്യ വേഷം ചെയ്യുന്ന വംസം സീരിയലിലൂടെയാണ് പ്രിയങ്ക ശ്രദ്ധേയമായത്.

ഈ സീരിയലിലെ ജ്യോതിക എന്ന പ്രിയങ്കയുടെ കഥാപാത്രം ഏറെ ശ്രദ്ധ നേടിയിരുന്നു. സണ്‍ ടിവിയിലെ അപൂര്‍വ്വ രാഗങ്കള്‍, ഭൈരവി എന്നീ സീരിയലുകളിലും അഭിനയിച്ചിട്ടുണ്ട്. ചില സിനിമകളിലും അഭിനയിച്ചിട്ടുണ്ട്. പോലീസ് അന്വേഷണം ആരംഭിച്ചു.

Comments are closed.